< <

<

Uyghur we Özbek yashliri üchün Türkiyede oqush pursiti bar. Bu oqushqa iltimas qilishning éniq shertliri töwendikilerdin ibaret:

1. Pasport béjirgen bolush: Aliy mektepte toluq kursta oqumaqchi bolghan Uyghur yaki Özbek oqughuchlarning yéshi 22 din, Magistérliqta (Aspirantliqta) oqumaqchi bolghan Uyghur yaki Özbek oqughuchilarning yéshi 28 din, doktorluqta oqumaqchi bolghan Uyghur yaki Özbek oqughuchilarning yéshi 32 din ashmighan bolushi kérek.

Meslihet: Eger pasport almighan bolsa aldi bilen choqum pasport élish kérek. Ichkiridiki Uyghur we Özbek oqoghuchilar téximu asan pasport élish imkaniyitige ige. Junggo qanunida pasport élish üchün teklipname bolushi telep qilinmighan. Pasport élish her bir Junggo puxrasining qanuniy hoquqi. Shunga dostlarning eng yaxshisi oqush püttürüshtin burun pasport éliwélishi nahayiti köp qolayliqlarni yaritip béridu. Meyli qolda chet eldiki birer aliy mektepning chaqiriqi bolsun yaki bolmisun, awwal pasportqa iltimas qilip, sinap béqishni tewsiye qilimiz. Peqet amal bolmisa, Türkiyediki birer aliy mektepning Til Bölümidin teklipname élishqa mejbur bolidu. Türkiyediki aliy mekteplerning Til Bölümidin her yili 10-ayda we 2-ayda texminen 70 dollar tölep teklipname élishqa bolidu. Bu teklipnamige Türkiye elchixanisidin wiza bérishimu yaki bermeslikimu mumkin. Bersimu bek teste béridu. Resmiyetliri bek köp. Eng qolay yol, pasport élip bolghandin kéyin, biwasite bu oqushqa iltimas qilish.

2. Salahiyet kimliki bolushi kérek. Salahiyet kimlikide choqum Uyghur yaki Özbek dep yézilghan bolushi kérek . Qazaq, Qirghiz, Tatar we bashqilar bolsa bolmaydu. Chünki ularni Türkiye Hökümiti Ottura Asiya Rayoni, Rusiye we Ottura Sherq rayonliridin biwasite qobul qilidu.

3. Aliy mektep toluq kursta oqumaqchi bolghanlarning aliy mektep imtihanida alghan netijisi we toluq otturini püttürgen diplomi bolushi kérek. Aliy mektep netijisi eng töwen bolghandimu aliy téxnikom 1-türküm nomur siziqidin töwenler qobul qilinmaydu. Aliy mektep netijisi qobul qilish ölchimining eng muhimi. Türkiyede aliy mektep toluq kursi 5 yilliq , qobul qilin�ghan oqughuchilar bir yilliq Türkche teyyarliqni tügkendin kéyin Türkiyening herqaysi mekteplirige netijisi we arzusigha qarap qobul qilinidu.

4. Aliy mektepni püttürgen Magistérliqta (Aspirantliqta) oqumaqchi bolghanlarning mektep püttürüsh diplomi we dölet bir tutash tarqatqan Unwan diplomi bolushi kérek, Eger bu yil oqush püttürmekchi bolsa diplomini we unwanini 6-ayda alghandin kéyin tézdin ewetip bérishi kérek. Aliy mektepte oqush jeryanidiki pütün derslerning imtihan netijisi bolushi kérek. Eger kéler yili püttürmekchi bolsa 3 yilliq oqush netijillirini ewetip turushi kérek. Bu eng muhim, chünki oqughuchining qobul qilinish-qilinmasliqi netijisining qandaq bolushigha, oqughan mektipige we kespige alahide baghliq. Türkiyede magistérliq 2 yildin 4 yilghiche. Qobul qilin�ghan oqughuchilar bir yilliq Türkche Teyyarliq tügkendin kéyin Türkiyening herqaysi mekteplirige netijisi we arzusigha qarap qobul qilinidu.

5. Magistérliqni (Aspirantliqni) püttürgen doktorlaqta oqumaqchi bolghan oqughuchilarning Magistérliq diplomi we unwani hem Magistérliq oqushidiki ders netijisi bolushi kérek . Eger bu yil püttürmekchi bolsa diplomini we unwan guwahnamisini 6-ayda alghandin kéyin tézdin ewetip bérishi kérek.Türkiyede doktorluq oqushi 4 yildin 7 yilghiche. Qobul qilin�ghan oqughuchilar bir yilliq Türkche Teyyarliq tügkendin kéyin Türkiyening herqaysi mekteplirige netijisi we arzusigha qarap qobul qilinidu.

6.Qisqiche bir parche özini we ailisini tepsiliy tonushturup yazghan tonushturush xéti bilen bir parqe Türkiyege kélip oqush toghrisidiki Iltimasname bolushi kérek, iltimasname we özini , ailisini tonushturush xetliri Uyghur Kona Yéziqida (Ereb Élipbesi Asasidiki Uyghur Kona Yéziqida) yézilishi shert.

7. Eng yéqinda chüshken yalangbash 2 sungluq renglik resim ewetishi kérek.

Telepler yuqiriqidek. Bu telepke uyghun bolmighanlarning qobul qilinish nisbiti bek töwen, emma iltimas qilip sinap baqsa bolidu. Bahalashtin ötüp qalsa ejep emes.

Eger sizning ehwalingiz yoqurqi shertlerge toshsa, siz Yalqun Tash we Erkin Sidiq (www.meripet.com ni ziyaret qiling) bilen alaqilishing. Ular sizni hem téz hem ishenchlik uchur we yardem bilen teminleydu. Yalqun Tash we Erkin Sidiq bilen alaqilishish üchün, siz töwendiki 3 élxet sanduqigha tengla xet yézing:

Yalqun Tash: tewpiq@meripet.com

ilimizde@yahoo.com

Erkin Sidiq: erkin@meripet.com

---

Türkiyede oqush üchün iltimas qilghanlarning iltimasini qobul qilish waqitliri:

Turkiyede oqushqa iltimas qilish waqti her yili 11-aydin bashlap kéyinki yili 5-ayghiche dawamlishidu. Jem�i 6 ay waqit bar. Bu qobul qilish waqitliri jem�iy 2 mezgilge bölünidu:

1-Mezgil: 11-aydin 1-ayghiche.

2-Mezgil: 1-aydin 3-ayning axirighiche.

Uyghur oqughuchilarning imkan qeder baldur iltimas qilishini tewsiye qilimiz. Chünki qanchiki baldur iltimas qilsa shunche téz qobul qilin�ghanliq uqturushigha érishkili bolidu. Hemde qobul qilinish nisbitimu shunche yuqiri bolidu. Türkiye Jumhuriyitining bu siyasiti özgergen�ge qeder Türkiyege oqughuchi qubul qilish dawamlishidu.

(http://www.meripet.com/Europe/Turkey.htm ) din élindi